KOBANÊ XELEŞÎYE SİRA SUKE NÊWEDE VİRASTAYENE DE RA


Bu makale 2015-02-08 08:12:55 eklenmiş ve 2262 kez görüntülenmiştir.

Zulmê DAİŞ Verbaroza Wertîye ra hata Dîna vila bî. Saru rê qirkerdîs na ru. Tirk, Kirmanc, Erev, Süryanî, Ezîdî, Hiristîyan, Ecem, Ermenî kes jumîn ra cera nê kerd. Kam ke kut dest pêro pîya qir kerd. Na qirkerdîs ewro Nîjerya’de eve hazaru xo musna, merkezê Avrupa Parîs’te zovî xo musna.

Kes nêşkîya ver bijero. Hata ke canuk u şerunê YPG u YPJ KOBANÊ’ de verê DAİŞ’ te dês ont. Kobanê’de pêrodayis 134 rojî dewam kerd. Xirten u şerenî u canuken her vizê ye hardê Kobanê’de xo musna. Peroz u pesewê, son u sodir, vêsa têsa welatê xo sero da pêro. Zerê Kobanê’ de teverê Kobanê’de vîjdanê însanîyetenî rest pê. Vengê perodayîş navera dewunê Pîrsus Atmenek’te, Meser’de, Rewşen’de heşay pê. Vîjdanê însanîyetenî her sarî ra îson na dewu de bî top. Qarşîyê zulmê DAİŞ’te, şîndor de nêwetî gurete.

Na ceng son u sodir, peroz u pesewê, eve heştu, eve asmu cê nê birîya. Hardê Kirmancîyê, suka Kirmancîyê  bîye hardê însanîyetenî. Welathaskerdoxî, soreşgerî, sefkan u canukî reştî pê, poştî sane jumînî, Kobanê zulîm rê kerdê mezele. Meterîsu de canuku en verde cayê xo guret. Ap Nemîr, Arîn, Nejat’î, Kader’î Kobane’de jeday, dîyaxê xo resnay pê soreşa Kobanê îlan kerd.

Vengê xelesa Kobanê Dîna ra bî vila. Sefkanenîya canukunê Kobanê bî xofe zerê DAİŞ. Tarîyê pesewe çer kerd est. Xof u ters rizna, kerd tê ser u tê bin ra. Saru rê bî omedîye. Serkewtenê Kobanê çor kose welatê Kirmancîye’de, Verbaroza Wertîye’de, dugelunê Dîna’de bî bimbarek. Eve cît, eve kay sa bî. Herkes naye rind zoneno ke xelesa Kobanê’yî xelesa welatîya. Kobanê’ de haştenî, birateyenî, tê dustenî bîye girse. Soreşa canuku u xozayîye gamena ave ame.

Ewro Kobanê zulmê DAİŞ ra xeleşîya, sira Kobanê newêde virastayene de ra. Ma butu zoneme ke Kobanê tarîx de cayê xo gureto. Naye ra gore suke ke nêwede virajîye plano en rind ra, mîmarîyo en wejîr ra bixemelîyo. Dîna de suka de en rinde vo. Na kar verê ma sarê Kirmancîye’de  sarê Dîna’de karo en virende vo.

Asma Payiza Virenê  ra hata roza ewreyenê zulmê DAİŞ ver Kobanê ra se hazar keşî ra jede yîson amo Pîrsus u sukunê dormê Pîrsus’î. Ju Pîrsus’te 50 hazar ra jedê kes maneno. Taxa Çadira Arîn Mîrxanî’de, Taxa Çadira Rojova’de, Taxa Çadira Kobanê’de, Taxa Çadira Nejat Suphî’de, Taxa Çadira Kader Ortakaya’de saro ke maneno nî pêro pîya wazenê ke lingê rew şerê welatê xo. Şerê binê bonê xo, mal u milkê xo rê, hegayê xo re, bostanê xo re wayîr vejîye.

Qesa qolaye nîya, na çeverê zimustonî de eve zav zeçê xo binê bonê xo ra vejayenê. Eve asmu çadiru de henî hortalixu de weşîya xo ramitenê kamî re wes yena. Bê wetenunê xo, bê wastenîya xo, dûrî ra mendenê yîsonî rê heşîrîya. Çiqa ke welatê yîsonî vo, çiqa ke rind qaytê yîsonî ve, weşîya nîyanenê yîsonî rê wes nê na.

Meste ra rew, pêro pîya newede virasteyena Kobanê de  emegê xo ju kerîme. Qiz girs destebera ma ra ke çik ame, ma gunê aye bikerîme. Dest u pawunê xo wesemernîme guçê de cayê xo bijerîme ke soreşê welatî girs kerîme. Ma ke suke ve suke newê viraste, şoreşa welatî kî suke ve suke virajîno, eqonomî, polîtîqa, huquq, wendîs u musayene kî her het ra  bena newîye.

Eve na tore game ve game weşîya newuyê munîna. Her het ra însanîyeten, birayen, tê dusten, haqîqat u adalet welatê Kirmancîye de binge ceno. Kantonunê Rojava’de polîtîqa eqonomî hetê emegî ra virajîya. Huquq u adalet hetê emegî ra xo belî kerdo. Newede kooperatîf virajîyê, xozayîye ser, tê dustenîya cînî u ciwamerdu ser demokratîk modernite xeyle ber gureto. Ewro Dîna ra bîyo ayan ke xelesa sarê Kirmanc sarunê Verbaroza Wertîye’rê beno çixir. Sewqê şoreşa Kirmancîyê ewrê ra roştî dano mazlumunê sarê dîna rê.

Soreşa Kobanê Küba ra hata İran’î, Çîn ra hata Hemilkanî çor kosê dîna de qesey beno. Na dugelu ra nuskarê rojnamu, wendoxî, zofe tên soreşa Kobanê’yî nusnenê. Vatena her keşî awa ke; şoreşa Kobanê’yî şoreşa canukuno. Şoreşa YPG u HPG’yîyo. Şoreşa PYD’yîyo.

Ewro omedîya sarê Kirmancî ,omedîya sarê Dîna tenena jedîye. Na omedîyê Şengal’de, Kobanê’de Maxmur’de zulim rizna. Hona neçe cawu de welatu zulumkaru rê kena mezele. Roştî xo binê hewrunê şawu ra musno. Kamjî tarî beno bivo nêşkîno virendîya roştîya weşîya newuye bijero. Endî raştîye, haqîqatî bî eskera. Her çî verê çimunê dîna de yeno meydan.

Xelasa Kobanê bîye xelasa saru. Dîyaxê Kobanê, çerenî u sefkanenîya Kobanê, şerenî u  canukenîya Kobanê hona xeyle waxt welatê Kirmancîye’de, Dîna’de qesey beno. Şoreşa  Kobanê’yî şoreşgeru re, emgedaru re, mazlumu re hona xeyle beno dîyax. Na dîyax na omedîye ma gunê tenena ave bîyarîme. Şoreşu miqerem kerîme.

Kobanê xeleşîye, sira Kobanê’yî bine ra newede virastayene de ra. Ewro barê vilê ma wo ke ma pero pîya dest pawunê xo we semernîme, serva xelesa Kirmancîyê, serva şoreşa sarunê mazlumu Kobanê’yî cer ra ve cor, bin ra ve ser, pirtik ve pirtik bixemelnîme, her çî newede virajîme. Şoreşa newîye de weşîya newîye ronîme.

 

Yorumlar
Adınız :
E-Mail :
Başlık :
Yorumunuz :
Güvenlik :
Değiştir  
Toplam 0 yorum. Tüm yorumları okumak için tıklayın.
Diğer yazıları...
Köşe Yazarları
 ‹ 
 › 
ÇOK OKUNANLAR
SON YORUMLANANLAR
Arşiv Arama
- -
Anket
Dersim Haber  Merkezi
© Copyright 2013 DM ISLEM. Tüm hakları saklıdır. Bu site DM ISLEM haber yazılımı alt yapısı ile yapılmıştır.