Roşana zonî


Bu makale 2014-05-21 16:29:45 eklenmiş ve 3041 kez görüntülenmiştir.

15’ê gulane roşana zonanê kurdî ya. 2006 ra na het na roze bena bimarek. Bi taybetiye bakurê Kurdîstanî de na roze herkes derheqê zonan de fikrê xo vano. Sazî û dezgeyê Bakurî leto jede bi tirkî eskerakerdîsan danê. Bi tirkî... Gorê mi seweta bimbarek kerdene sebeb çîno.
Raştiye de zonê ma verva merdene sonê. Çike domonê ma, gencê ma zonê xo nêzonenê. Kokimanê ma kî serranê 80 ra na het zonê xo, xo vîra kerdo. Bakurê Kurdîstanî de serranê 80 de elektrîk ame dewan, a roze ra na het kî kokimê ma endî televîzyonanê tirkî de niyadanê. Fîlm û rêzefîlmanê tirkî de niyadanê. Binê nî şertan de zon jede derg nêciwiyeno. Omrê xo beno kilm.
Şarê Bakurî zerrê nî 40 serranê peyenan de en çiyê xo yê qiymetinî seweta serbestiya xo dayî. Zerrê na serbestiye de tabî ke zon kî esto. La, onca aynî kesan hem bedelê girsî dayî, hem kî zonê xora dûrî vinetî. Weşiya xo yê rozane de tirkî ard kar. Bi tirkî siyaset kerd, bi tirkî hewnê xo dî, bi tirkî wend û niya bi tirkî weşiya xo ramite. Seweta zonê xo dapêro, la zonê xo zergun nêkerd.
Çike mezgê kurdanê Bakurî de “Tertelê Sipeyî” tam cayê xo guret bî. Bakurizî hen îman kenê ke, înan ke tirkî qeseynêkerd, kes înan famnêkeno. No fikir kewto gonya bakurizan. Ma belka kî binê destê tirkan ra xeleşîme, la zonê ma nêxeleşîno. Seweta xelesnayena zonanê ma karûgure zaf zaf kemî yo.
Televîzyonanê ma de seweta domonan zaf programî çînê. Seweta gencan programî çînê. Tiyatro û sînema kurdî çînê. Na semed ra însanê ma televîzyonanê bînan de, bi zonanê bînan fîlm û rêzefîlman de niyadanê. Çapemeniya ma de teyna siyaset bi zonanê ma virajîno. Bi na hal ma pêro zonanê xora kume dûrî.
No halê zonanê ma de tabî ke sucê dewleta tirkî zaf girs o. Lakîn, ma 20 serrî ra jedero wayîrê rojnama û televîzyonan îme. La, ma kî çapemeniya xo seweta tirkî gureynê û gureyneme. Xîtabê kamî keme, ma xo vîra kerdo. Bi destê çapemeniya xo însananê xo asîmîle keme. Tayê cayan de 1999 ra na het belediyeyî partiyanê kurdî dest derê, la hata ewro derheqê zonanê ma de karode zelal nêamo virastene. Seweta domonan kreşî ranêbiyê, mektebî ranêbiyê. Na roze ra tepiya karê belediyan gune no bo. Ma teyna bi asfalt kerdena rayan û rakerdena parkan binê bandira dewleta tirkî ra nêxeleşîme.
Rojdeme siyasetê kurdî de înşa kerdena xoseriya demokratîk esta. Bingê kamiya kurdan zon o. Zonê kurdan ke nêbî, kurdî sifrê qoman de xorê kirşî nêvînenê. Siyasetê kurdan gune giraniya xo zonanê kurdî do.
Kam se vano va vazo, eke na hal nêvuriya, zonê ma merdîs ra nêxeleşînê. Waxtê ma de merdena her çî tenena herbî bena. Jû zono ke dîna înetrnet de çîno, dîna sînema de çîno, dîna edebiyatî û dîna aboriye de çîno, amayîsê ê zonî roştiye nêbena.

Yorumlar
Adınız :
E-Mail :
Başlık :
Yorumunuz :
Güvenlik :
Değiştir  
Toplam 0 yorum. Tüm yorumları okumak için tıklayın.
Diğer yazıları...
Köşe Yazarları
 ‹ 
 › 
ÇOK OKUNANLAR
SON YORUMLANANLAR
Arşiv Arama
- -
Anket
Dersim Haber  Merkezi
© Copyright 2013 DM ISLEM. Tüm hakları saklıdır. Bu site DM ISLEM haber yazılımı alt yapısı ile yapılmıştır.